ՀՈՎՀԱՆՆԵՍ ՄՈՒԴՈՒՐԳԵՑՅԱՆ. «Շեփորը սիրուն ձայն ունի»

Իր սիրած երաժշտական գործիքի մասին այսպիսի կարծիքի է «Վարդուհի» արվեստի դպրոցի շեփորի բաժնի 2-րդ դասարանի աշակերտ Հովհաննես Մուդուրգեցյանը: Նա մեկն է մեր կրթօջախի օժտված ու մեծ ապագա խոստացող սաներից, ովքեր արդեն այսօր հանդես են բերում խորը գիտելիքներ և գործիքին կատարելապես տիրապետելու կամք ու վճռականություն:

Հովհաննեսը 10 տարեկան է և մինչ այս ուսումնական տարի սովորում էր Գյումրու «Օյունջյան» վարժարանում: Դարձյալ կատարելության հասնելու ձգտումն էր, որ նրան տարավ քաղաքի «Ֆոտոն» վարժարան, որի 5-րդ դասարանի աշակերտ է այժմ: «Այդտեղ շատ ուժեղ, խորացված մաթեմատիկական առարկաներ են անցնում,- մեր զրույցում նշեց պատանի շեփորահարը՝ շարունակելով,- թեև բոլոր առարկաներն էլ հավասարապես սիրում եմ»:

Հին փիլիսոփաներից շատերն են ուղղակի կապ տեսել մաթեմատիկայի ու երաժշտության միջև: Դա «հաստատում է» նաև Հովհաննեսի օրինակը, երբ մաթեմատիկա շատ սիրելը ոչ միայն չխանգարեց, այլև նպաստեց, որ նա ոտք դնի երաժշտության կախարդական աշխարհ: Սկզբում ուսանեց «Գոհար» երաժշտանոցում, ապա ուսումնառությունը շարունակեց «Վարդուհի» արվեստի դպրոցում՝ վաստակաշատ ուսուցիչ Արամ Տաշչյանի դասարանում: Վերջինս դրվատանքով է խոսում իր սանի մասին, գովում հատկապես նրա աշխատասիրությունը: Դա հաստատեց նաև պատանու տատը՝ Կիմա Մովսիսյանը, ով ներկա էր մեր զրույցին. «Երեխան ամբողջ ամառը պարապում էր»:

Ինչ վերաբերում է շեփորն ընտրելուն, Հովհաննեսն ասաց. «Երբ ձեռքս առա գործիքը, հասկացա, որ այն իմն է…»: Իհարկե, դեռահաս շեփորահարն իր երաժշտական շնորհի համար պարտական է ծնողներին ու նախևառաջ ջութակահար մորը՝ Արմենուհի Մովսիսյանին, որ Գյումրու պետական սիմֆոնիկ նվագախմբի մենակատարներից է: Նույն այդ երաժշտախմբի հետ Հովհաննեսն արդեն 3 անգամ համերգ է ունեցել և Հավաստագիր ունի՝ տրված «Մենակատարների շքերթին» մասնակցելո համար:

Շուտով նշյալ նվագախմբի հետ Հովհաննես Մուդուրգեցյանը հյուրախաղերի է մեկնելու Դիլիջան և Վանաձոր: Մինչ այդ, իհարկե, տքնաջան ու հագեցած պարապմունքներն են, որոնք աստիճաններ են դեպի կատարողական արվեստի բարձունքներ տանող երկար ճանապարհին:

ՊԱՏԱՆԻ ՔԱՆՈՆԱՀԱՐՈՒՀՈԻ ՆՇԱՆԱԿԱԼԻ ՀԱՋՈՂՈՒԹՅՈՒՆԸ

Խոսքը «Վարդուհի» արվեստի դպրոցի սան Անի Քալաշյանի մասին է, ով իր գործիքային կատարումներով մասնակցեց «ԱՎԱՆԴՈՒՅԹՆԵՐԻ ԺԱՌԱՆԳՈՐԴՆԵՐԸ» ժողովրդական մշակույթի համառուսաստանյան մանկական V հոբելյանական փառատոնին: Վերջինս մեկնարկել է տարիներ առաջ՝ նախաձեռնությամբ Ռուսաստանի Դաշնության Լուսավորության նախարարության:

ԿԱՐԴԱԼ ԱՎԵԼԻՆ

Հաղթանակների ամիս է Մայիսը

Հաղթանակների ամիս է Մայիսը։ Պատահական չէր ուրեմն, որ հենց անցյալ տարվա մայիսի 15-ին Գյումրու Վ․ Աճեմյանի անվան թատրոնում տեղի ունեցավ <<Վարդուհի>> արվեստի դպրոցի անմոռանալի համերգը։

ԿԱՐԴԱԼ ԱՎԵԼԻՆ

ՍԱՆԵՐԻ ՀԱՋՈՂ ԵԼՈՒՅԹԸ ՀՀ ՆԱԽԱԳԱՀԻ ՆՍՏԱՎԱՅՐՈՒՄ

<<ՎԱՐԴՈՒՀԻ>> ԱՐՎԵՍՏԻ ԴՊՐՈՑԻ ՍԱՆԵՐԻ ՀԱՋՈՂ ԵԼՈՒՅԹԸ ՀՀ ՆԱԽԱԳԱՀԻ ՆՍՏԱՎԱՅՐՈՒՄ ՀՀ նախագահ Արմեն Սարգսյանի նախաձեռնությամբ անցկացվող «Նախագահական համերգաշար» շրջանակում դեկտեմբերի 7-ի նախօրյակին նախագահական նստավայրում տեղի ունեցավ «Գյումրի, իմ սեր» խորագրով համերգ:

ԿԱՐԴԱԼ ԱՎԵԼԻՆ

ԱՐՎԵՍՏԻ ԴՊՐՈՑԻ ԲԱԼԵՏԱՅԻՆ ԽՄԲԻ ՀԱՋՈՂՈՒԹՅՈՒՆՆԵՐԸ

<<ՎԱՐԴՈՒՀԻ>> ԱՐՎԵՍՏԻ ԴՊՐՈՑԻ ԲԱԼԵՏԱՅԻՆ ԽՄԲԻ ՀԱՋՈՂՈՒԹՅՈՒՆՆԵՐԸ Մի քանի օրից կավարտվի 2019-ը, որը ենթադրում է տարվա ընթացքում ձեռք բերված ստեղծագործական հաջողությունների ամփոփում: Դրանց մեջ զգալի կշիռ են կազմում մեր դպրոցի բալետային խմբի ձեռքբերումները քաղաքային ու հանրապետական տարաբնույթ միջոցառումներում:

ԿԱՐԴԱԼ ԱՎԵԼԻՆ

ՀԱՄԵՐԳ ՀԱՅԱՍՏԱՆՈՒՄ ՖՐԱՆՍԻԱՅԻ ԴԵՍՊԱՆԱՏԱՆԸ

ՀԱՄԵՐԳ ՀԱՅԱՍՏԱՆՈՒՄ ՖՐԱՆՍԻԱՅԻ ԴԵՍՊԱՆԱՏԱՆԸ Ամանորին ընդառաջ Հայաստանի <<Նոր անուններ>> ծրագրի շրջանակներում Երևանում Ֆրանսիայի դեսպանատանը տեղի ունեցավ տոնական համերգ, որի ունկնդիրները դեսպանատան աշխատակիցներն ու Հայաստանում բնակվող ֆրանսահպատակ մեր հայրենակիցներն էին: Կազմակերպիչը նշյալ ծրագրի ղեկավար, ՀՀ մշակույթի վաստակավոր գործիչ Սիլվա Մեքինյանն էր, ով մասնակիցների ցանկում առաջին անգամ ընդգրկել էր նաև <<Վարդուհի>> արվեստի դպրոցի սաներին:

ԿԱՐԴԱԼ ԱՎԵԼԻՆ

«ՆՈՐ ԱՆՈՒՆՆԵՐ» ԾՐԱԳՐԻ ՂԵԿԱՎԱՐԻ ԱՅՑԸ

«ՆՈՐ ԱՆՈՒՆՆԵՐ» ԾՐԱԳՐԻ ՂԵԿԱՎԱՐԻ ԱՅՑԸ«ՎԱՐԴՈՒՀԻ» ԱՐՎԵՍՏԻ ԴՊՐՈՑՀայաստանի երաժշտական շրջանակներում հազիվ թե գտնվի մեկը, ով չճանաչի ՀՀ մշակույթի վաստակավոր գործիչ, «Մշակույթի գործիչներ» ընկերակցության նախագահ Սիլվա Մեքինյանին։ Նա երկար տարիներ եղել է Երևանի Պարարվեստի պետական ուսումնարանի և Ազգային օպերայի ու բալետի թատրոնի տնօրենը, ՀՀ մշակույթի փոխնախարարը և այլն։

կարդալ ավելին

ՀՅՈՒՐԱՌԱՏ ԱՇՈՒՆ

ՀՅՈՒՐԱՌԱՏ ԱՇՈՒՆ Հայաստանի այս տարվա աշունն առանձնացավ թե՛ իր երկարատևությամբ և թե՛ շռայլ ու զմայլելի գույներով։ Նույնքան զմայլելի հյուրեր էլ հյուրընկալվեցին մեր դպրոցական հարկի ներքո՝ ըմբոշխնելով այնտեղ սովորող աշակերտների գեղարվեստական տպավորիչ ելույթները։ Աշնան առաջին օրերին Փարիզից <<Վարդուհի>> արվեստի դպրոց այցելեց Սուրեն և Մարգո Շերիք ամոլը։ Դոկտոր Հովհաննես Օյունջյանի կենդանության օրոք նրանք միշտ էլ եղել են բարերարի կողքին, ոգևորել ու քաջալերել նրան իր հայրենաշեն ձեռնարկումներում։

ԿԱՐԴԱԼ ԱՎԵԼԻՆ

ԲԱԼՅԱՆ ԸՆՏԱՆԻՔԻ ԱՅՑԸ

ԲԱԼՅԱՆ ԸՆՏԱՆԻՔԻ ԱՅՑԸ <<ՎԱՐԴՈՒՀԻ>> ԱՐՎԵՍՏԻ ԴՊՐՈՑ Հունիսի 29-ին Ամերիկայի <<Ջոն Օյունջյան>> հիմնադրամի Տնօրենների խորհրդի նախագահ Սիմոն-Եզնիկ Բալյանն իր ընտանիքով այցելեց <<Վարդուհի>> արվեստի դպրոց։ Շուրջ 20 տարի առաջ էր, երբ նա ազգային բարերար, նյույորքաբնակ բժիշկ Հովհաննես (Ջոն) Օյունջյանի հետ եկավ երկրաշարժից մեծապես տուժած Գյումրի և տեսնելով ուսումնական անտանելի պայմանները՝ որոշում ընդունվեց փլատակներից վեր բարձրացնել քաղաքի թիվ 21 միջնակարգ դպրոցի շենքը։

կարդալ ավելին

ԱՐՎԵՍՏԻ ԴՊՐՈՑԻ ԱՌԱՋԻՆ ՀՈՒՆՁՔԸ Կարծես երեկ էր

<<ՎԱՐԴՈՒՀԻ>> ԱՐՎԵՍՏԻ ԴՊՐՈՑԻ ԱՌԱՋԻՆ ՀՈՒՆՁՔԸ Կարծես երեկ էր, երբ Գյումրու նորակառույց <<Վարդուհի>> արվեստի դպրոցն իր հյուրընկալ դռները լայնորեն բացեց արվեստասեր պարման-պարմանուհիների առջև։ Չորս տարի է անցել ու արդեն առաջին շրջանավարտները՝ թվով 14 հոգի, <<Օյունջյան>> բարեգործական հիմնադրամի տնօրեն Գագիկ Լաճիկյանից և ուսումնական գործընթացի կազմակերպիչ Նվարդ Եղոյանից ստացան իրենց ավարտական Վկայականները։

կարդալ ավելին