«Վարդուհի» բալետային խմբի հաջող առաջնաելույթը Երեւանում

Մի քանի տասնամյակների դադարից հետո դասական պարը կրկին մուտք գործեց Գյումրի՝ շնորհիվ ազգային բարերար եւ բալետի մեծ սիրահար Հովհաննես Օյունջյանի: Երկար փայփայած իր այդ տեսլականը նա իրագործեց՝ հիմնելով «Վարդուհի» արվեստի դպրոցը, որն ունի նաեւ դասական պարի բաժին: Վերջինիս այբուբենը գյումրեցի փոքրիկներին է փոխանցում արհեստավարժներից բաղկացած մանկավարժական խումբը՝ պարային բաժնի գեղարվեստական ղեկավար Աիդա Սուվարյանը, պարուսույց Լիլիթ Ավետիսյանը եւ կոնցերտմայստեր Ռուզան Ղուկասյանը:

Վալմարի ստեղծագործությունների նոր ալբոմի շնորհանդեսը Գյումրիում

Օրերս Գյումրու «Օյունջյան» հիմնադրամի «Վարդուհի» արվեստի դպրոցի լեփ-լեցուն դահլիճում կայացավ ՀՀ ժողովրդական նկարիչ Վալմարի (Վոլոդյա Մարգարյան) ստեղծագործությունների նորատիպ ալբոմի շնորհանդեսը, որ կազմակերպել էին ՀՀ մշակույթի նախարարությունն ու «Շիրակ» հայրենակցական միությունը:

Փոքրուց տարբերվում էր հասակակիցներից

Իր 8-ամյա թոռան՝ Դավիթի մասին պատմությունն այսպես սկսեց մորական տատը՝ Ծովինար Մինասյանը: Նշելով, որ Դավիթը ծնվել է Գյումրիում դեկտեմբերի 7-ին, այդ փաստի մեջ նա ինչ-որ խորհրդանշական իմաստ է տեսնում՝ տալով հետեւյալ մեկնաբանությունը. «Այդ օրը ծնվածներն, իրոք, տարբերվում են մյուսներից»: Այդ տարբերությունը նկատվել է վաղուցվանից, երբ փոքրիկ Դավիթն իր շուրջ է հավաքել իրենից մեծերին ու փոքրերին՝ կազմակերպելով տարաբնույթ խաղեր եւ նախաձեռնելով տարատեսակ միջոցառումներ: «Չարաճճի ու աշխույժ երեխա էր,- շարունակում է տիկին Ծովինարը,- Ու չնայած դրան՝ խանութ մտնելիս ոչ թե քաղցրավենիք էր փնտրում, այլ գրիչ ու նոթատետր»: 

Հրաժեշտ՝ համերգով

Սեպտեմբերի 26-ը «Վարդուհի» արվեստի դպրոցի հովանավոր Հովհաննես Օյունջյանի հայաստանյան կեցության վերջին օրն էր: Ուստի արդեն հաստատված ավանդույթի համաձայն դպրոցի աշակերտներն ու ուսուցիչները հաճելի անակնկալ էին պատրաստել: Այդ օրը տեղի ունեցավ 3-րդ դասարանի աշակերտ Դավիթ Խաչատրյանի մենահամերգը: Վերջինս, իրոք, անակնկալ էր Դավիթի ծնողների, ընկերների, ուսուցիչների եւ, իհարկե, դոկտոր Օյունջյանի համար: Անակնկալ չէր միայն նրա դասատուի՝ Կարինե Խալաթյանի համար, ով հավատացել էր իր շնորհալի սանի ուժերին եւ նախապատրաստել նրա այդ օրը: Մենահամերգի սկզբում «Վարդուհի» արվեստի դպրոցի ուսումնական գործընթացի կազմակերպիչ Նվարդ Եղոյանը հակիրճ ներկայացրեց օրվա «հերոսին», ապա ձայնը տվեց Կարինե Խալաթյանին:

Կարդալ ավելին

Մեկ աշխատանքի ցուցադրություն

Նման ձեւաչափով սեպտեմբերի 8-ին «Վարդուհի» արվեստի դպրոցի ճեմասրահում ներկայացվեց ՀՀ վաստակավոր նկարիչ, «Վարդուհի» արվեստի դպրոցի գեղանկարի դասատու Սամվել Լաճիկյանի նոր աշխատանքը, որում պատկերված էր ազգային բարերար, Գյումրու պատվավոր քաղաքացի Հովհաննես Օյունջյանը: Վերջինիս հովանավորությամբ մի քանի օրից իր ավարտին կհասնի «Աղավնի» արհեստի կենտրոնի նորակառույց շենքը, որի շինարարությունն իրականացրել է «Կանակա» ԲԲԸ-ն: